संयुक्त राष्ट्रसंघको साधारणशभामा १ सय ४३ देशले युक्रेनको पक्षमा मतदान गरेको छ । १४३ देशले रुसले युक्रेन माथि गरेको बर्बर र पाशविक आक्रमणको निन्दा र भर्त्सना गर्दै खेद प्रस्ताव पारित गरेका छन् ।
बुधबार भएको उक्त मतदानमा नेपालले पनि युक्रेनको पक्षमा मतदान गरेको छ । उक्त मतदानमा ५ देशले बिपक्षमा मतदान गरेका छन् भने ३५ देश अनुपस्थित भएका थिए ।
उक्त प्रस्तावमा भनिएको छ- ‘रुसले गरेको अन्तर्राष्ट्रिय मान्यता प्राप्त सीमाभित्र तथाकिथत रुपमा गरिएको जनमत सङ्ग्रहको निन्दा गर्दछौँ । साथै संयुक्त राष्ट्रसङ्घको सदस्य राष्ट्र र सङ्गठनले युक्रेनको सीमा परिवर्तनलाई मान्यता दिने छैन’
उक्त प्रस्ताव रुसले तुरुन्त र बिना सर्त निर्णय फिर्ता लिनसमेत माग गरिएको छ ।
प्रतिक्रिया दिनुहोस्