नागरिक अधिकारकर्मी तथा पूर्वस्वास्थ्यमन्त्री डा मथुराप्रसाद श्रेष्ठको ८९ वर्षको उमेरमा सोमबार बिहान निधन भएको छ । केही दिनयता श्वासप्रश्वासमा समस्या देखिएपछि उपचाररत श्रेष्ठको माइतीघरस्थित अन्नपूर्ण न्यूरो अस्पतालमा निधन भएको हो ।
शव महाराजगञ्जस्थित त्रिवि शिक्षण अस्पतालमा राखिएको नेपाल मेडिकल काउन्सिलका रजिष्ट्रार डा कृष्णप्रसाद अधिकारीले जानकारी दिए । श्रेष्ठको परिवार जहाजबाट आएपछि अन्तिम संस्कार गरिने उनले बताए ।
श्रेष्ठले सन् १९९० को लोकतान्त्रिक आन्दोलनपछि अन्तरिम सरकारमा स्वास्थ्यमन्त्रीको जिम्मेवारी सम्हालेका थिए ।
सामुदायिक चिकित्साशास्त्रका प्राध्यापक श्रेष्ठले औषधिको अध्ययन र अध्यापनका लागि पाठ्यक्रम निर्माणमा योगदान पुर्याउनुभयो र चिकित्सा संस्थानको स्थापनामा महत्वपूर्ण भूमिका निर्वाह गर्नुभयो । उनले सामुदायिक स्तरको प्राथमिक उपचार नेपालजस्ता देशका लागि उपयुक्त हुने वकालत गरे ।
श्रेष्ठको निधनमा पूर्वप्रधानमन्त्री तथा एमाले अध्यक्ष केपी शर्मा ओली र उपप्रधानमन्त्री तथा अर्थमन्त्री विष्णु पौडेलले दुःख व्यक्त गरेका छन् ।
प्रतिक्रिया दिनुहोस्