सोमबार त्रिभुवन अन्तर्राष्ट्रिय विमानस्थलको अध्यागमन कार्यालयको सर्भर डाउन हुँदा कम्तीमा ६ वटा अन्तर्राष्ट्रिय उडानबाट बाहिरिने झण्डै एक हजार यात्रु प्रभावित भएका छन् ।
सोमबार बिहान ११ः३० बजेदेखि समस्या देखाउन सुरु भएको सर्भर बिहान २ बजेसम्म सञ्चालनमा नआएको विदेशी एयरलाइन्सका कर्मचारीले जानकारी दिए ।
सर्भर डाउनका कारण नेपाल वायुसेवा निगम, इन्डिगो, बाटिक, थाइ स्माइल, मलेसिया एयरलाइन्स र श्रीलंकालगायत ६ वटा वायुसेवा कम्पनीबाट विदेश जाने यात्रुको राहदानी तथा भिसाको डिजिटल अध्ययन हुन सक्ने विमानस्थल कार्यालयले जनाएको छ ।
२३ दिनअघि पनि अध्यागमन कार्यालयको सर्भर ५ घण्टा डाउन हुँदा ५ एयरलाइन्सका सयौं यात्रु अलपत्र परेका थिए । सर्भरमा समस्या आउनुको कारण पत्ता लगाउने काम भइरहेको अध्यागमन कार्यालयका सूचना अधिकारी गणेश आचार्यले बताए ।
सर्भर डाउन हुँदा प्रस्थान बिन्दुमा १४ वटा कम्प्युटर र अध्यागमन कार्यालयको आगमन बिन्दुमा रहेका २२ वटा कम्प्युटरले यात्रुको राहदानी र भिसा प्रशोधन गर्न सक्दैनन् ।
प्रतिक्रिया दिनुहोस्