राष्ट्रिय स्वतन्त्र पार्टी (रासपा)का अध्यक्ष रवि लामिछानेले पार्टीका सांसद ढाकाकुमार श्रेष्ठको अडियो प्रकरणलाई आगामी उपनिर्वाचन अगाडि पार्टीमाथि प्रहार गरेको बताएका छन् ।
पार्टीले सांसद श्रेष्ठलाई कारबाही गरिसकेको छ । यसै सन्दर्भमा लामिछानेले आइतबार राति सामाजिक सञ्जालमा एक स्टाटस पोस्ट गर्दै अडियो एपिसोडलाई चुनावी हतियारका रूपमा प्रयोग गरिएको आरोप लगाएका छन् ।
लामिछाने चितवनमा चुनावी प्रचारको तयारीमा छन् । उनले रासपा भ्रष्टलाई संरक्षण गर्ने पार्टी नभएको बताउँदै त्यसमा सडेको आलु भेटे बोरा बचाउने दाबी गरेका छन् । उनले पार्टीमा कुनै पनि विसंगति नमान्ने तर पर्दाफास गरेर दण्डित गर्ने प्रष्ट पारेका छन् ।
लामिछानेल लेखेका छन् “सबैलाई थाहा छ कि मलाई यो ग्रहको पूरै पैसा दुई करोडको सट्टा प्रस्ताव गरियो भने पनि म मनोरञ्जन गर्दिन । हो, पार्टी नयाँ छ, मान्छे चिन्न गाह्रो छ, तर नयाँ भए पनि पार्टीको नियम छ, चिन्ता लिनुपर्दैन ।”
उनले थप लेखेका छन्, ‘हामीले रगत पसिना बगाएर बनाएको पार्टी हो, हामीले आँधीबेहरी र सुनामीको सामना गर्न सक्नुपर्छ । अब यसलाई चुनावी हतियार बनाएर थप आक्रमणका लागि पूर्ण शक्ति प्रयोग गरिँदैछ । म दिनको १८ घण्टा चुनाव प्रचार गर्दा थोरै थकित छु। आज अलि चाँडो सुत्नेछु। यदि मैले सडेको आलु फेला पारे भने, म तिनीहरूलाई फालिदिनेछु र पूरै बोरालाई सड्नबाट बचाउनेछु। भोलि थप कुरा गर्ने छु ।”
प्रतिक्रिया दिनुहोस्