राष्ट्रिय स्वतन्त्र पार्टीका अध्यक्ष रवि लामिछानेका निजी चालक दिलबहादुर थापाको उपचारका क्रममा मंगलबार निधन भएको छ ।
ललितपुरस्थित नेपाल मेडिसिटी अस्पतालमा उपचारका क्रममा मंगलबार बिहान ९ः३५ बजे ३९ वर्षीयको मृत्यु भएको अस्पतालले जनाएको छ ।
सिन्धुपाल्चोक जिल्लाको बाह्रबिसे नगरपालिका–३ का स्थानीयवासी थापाको गत वैशाख १ गते तीनतले घरको माथिल्लो तलाबाट खसेर टाउको र खुट्टामा गम्भीर चोट लागेको थियो ।
उनलाई उपचारका लागि भरतपुर कलेज अफ मेडिकल साइन्सेज लगिएको थियो । थप उपचारका लागि थापालाई गत वैशाख ३ गते नेपाली सेनाको हेलिकप्टरबाट ललितपुर अस्पताल लगिएको थियो ।
चिकित्सकको सिफारिसमा थापालाई हेलिकप्टरबाट ललितपुर लगिएको लामिछानेले आफ्नो फेसबुकमार्फत जानकारी गराएका थिए । थापाका परिवारका सदस्यले पनि त्यसमा सहमति जनाएका थिए ।
प्रतिक्रिया दिनुहोस्