जिल्ला प्रशासन कार्यालय सुनसरीले चालू आर्थिक वर्षको नौ महिनामा १२ हजार १७७ नयाँ नागरिकताको प्रमाणपत्र जारी गरेको प्रमुख जिल्ला अधिकारी हुमकला पाण्डेले जानकारी दिए ।
त्यस्तै, चालु आर्थिक वर्षको सोही अवधिमा कुल ११ हजार ३ सय ३९ थान नागरिकता प्रमाणपत्रको प्रतिलिपि जारी गरिएको छ । त्यस्तै, समीक्षा अवधिमा प्रशासनले ११ हजार ३०९ राहदानी प्रति उपलब्ध गराएको छ ।
यस अवधिमा जिल्ला प्रशासन कार्यालयबाट कूल २० लाख रुपैयाँ राहत वितरण गरिएको प्रमुख जिल्ला अधिकारी पाण्डेले जानकारी दिए । प्रशासनले बजार, सार्वजनिक निकाय र सुरक्षा निकायको पनि अनुगमन गरेको सिडिओ पाण्डेले बताए ।
तर, चालु आर्थिक वर्षमा अहिलेसम्म विकास आयोजनाको अनुगमन हुन सकेको छैन । जिल्लामा ११२ नयाँ संस्था दर्ता भएका छन् भने अन्य ४२६ संस्थाले नवीकरणको प्रमाणपत्र लिएका प्रमुख जिल्ला अधिकारी पाण्डेले जानकारी दिए ।
प्रतिक्रिया दिनुहोस्