मेलम्ची खानेपानी आयोजनाले आयोजनास्थल अम्बाथानमा वैकल्पिक प्रणालीको गेट निर्माण गरेको छ ।
मेलम्ची खानेपानी विकास समितिका अनुसार मेलम्ची नदीमा पानीको बहाव बढ्दै गएको र हिलाम्मे पानीको बहाव हुँदा पनि काठमाडौंमा खानेपानीको सहज आपूर्ति सुनिश्चित गर्न मर्मत सम्भार गरिएको हो ।
समितिका प्रवक्ता राजेन्द्रप्रसाद पन्तले आयोजनाको सुरुङमा पानी छोड्न आयोजनाको स्लुइस गेट १ र पानीको बहाव छोड्न गेट ९ बाट प्रयोग भइरहेको जानकारी दिए । गेट ९ ले सुरुङमा हिलो पानीको प्रवाह जाँच गर्दछ ।
वैकल्पिक प्रणालीमा स्लुइस गेट मर्मतका लागि आयोजना १० दिन बन्द भएको थियो । सुरुङमा पानी पुर्याउन हेडवर्कको प्रयोग गरिए पनि हेडवर्क निर्माण भएको केही समयपछि नै प्राविधिक समस्या देखिएपछि अहिले पानी छोड्न वैकल्पिक मार्ग प्रयोग गरिएको छ ।
मेलम्ची आयोजनाबाट काठमाडौं उपत्यकामा मङ्गलबारदेखि खानेपानी सुचारु भएको छ ।
प्रतिक्रिया दिनुहोस्