निर्वाचन आयोगले समानुपातिक निर्वाचन प्रणालीबाट निर्वाचित हुने सांसदको अधिकतम दुई कार्यकाल तोक्ने कानुनी व्यवस्था कार्यान्वयन गर्न विधेयक ल्याउने निर्णय गरेको छ ।
सोमबार बसेको बैठकमा आयोगले निर्वाचनसम्बन्धी कानूनलाई परिमार्जन र एकीकरण गर्ने उद्देश्यले बनेको विधेयकको मस्यौदा पारित गरेको हो ।
प्रस्तावित संशोधन अनुसार समानुपातिक निर्वाचन प्रणालीबाट दुई पटक सांसद निर्वाचित भएका व्यक्ति आगामी समानुपातिक निर्वाचनमा उम्मेदवार बन्न अयोग्य हुनेछन् । विगतमा समय सीमा थिएन ।
त्यसैगरी आयोगले एक तहको निर्वाचनमा पराजित व्यक्ति अर्को तहमा पाँच वर्षसम्म उम्मेदवार बन्न नपाउने गरी कानुनी व्यवस्था गर्न प्रस्ताव गरेको छ ।
अन्त्यमा, संशोधित विधेयकले राजनीतिक दलहरूलाई प्रत्यक्ष निर्वाचनमा कम्तीमा ३३ प्रतिशत महिला उम्मेदवार मनोनयन गर्न बाध्य पार्ने प्रस्ताव गरेको छ।
प्रतिक्रिया दिनुहोस्