सिंगापुरको प्रतिष्ठित ध्वजावाहक सिंगापुर एयरलाइन्सले आगामी दशैंको अवसरमा नेपाली उडानका लागि बोइङ ७८७–१० सिरिजका विमान भित्र्याएर यात्रु अनुभव बढाउने तयारी गरेको छ ।
हाल बोइङ ७३७ म्याक्स मार्फत उडान सञ्चालन गर्दै आएको एयरलाइन्सले चाडपर्वको समयमा बढ्दो यात्राको मागलाई मध्यनजर गर्दै सेप्टेम्बर २५ देखि नोभेम्बर २५ सम्म बोइङ ७८७–१० सिरिजका विमानहरूको उन्नत क्षमताको उपयोग गर्ने निर्णय गरेको छ ।
दशैंको समयमा नेपाल भित्रिने र आउनेको माग उल्लेख्य रूपमा बढ्छ । जीएसए एभरेष्ट एक्सप्रेस टुर्स एण्ड ट्राभलका आधिकारिक निर्देशक सुधीर पाण्डेले सिङ्गापुर हुँदै काठमाडौं पुग्ने यात्रुको चाप बढेको स्वीकार गरे ।
यही मागलाई मध्यनजर गर्दै सिङ्गापुर एयरलाइन्सले ३३७ सिटको फराकिलो क्षमताको ड्रिमलाइनरलाई तैनाथ गर्ने योजना बनाएको छ ।
मङ्गलबार र शुक्रबार एक महिनाका लागि सुरु भएको यो सेवाले चाडपर्वमा यात्रुको आवश्यकतालाई प्रभावकारी ढंगले पूरा गर्ने अपेक्षा गरिएको निर्देशक पाण्डेले बताए ।
हाल, एयरलाइन्सको नियमित उडानहरूले प्रभावशाली ९० प्रतिशत अकुपेन्सी कायम राखेको छ, जसले सिङ्गापुर एयरलाइन्सका सेवाहरूप्रति यात्रुहरूको उच्च स्तरको विश्वास र प्राथमिकतालाई झल्काउँछ ।
विश्वव्यापी रूपमा मान्यता प्राप्त एयरलाइनको रूपमा, सिंगापुर एयरलाइन्सले चौथो पटक विश्वको उत्कृष्ट एयरलाइनको ताज पाएको छ, यो उत्कृष्टता र ग्राहक सन्तुष्टिप्रतिको प्रतिबद्धताको प्रमाण हो ।
यस एयरलाइन्सले यात्रुहरूलाई सिमलेस कनेक्टिभिटी र उत्कृष्ट सेवा प्रदान गर्दै नेपालमा हप्तामा सातवटा व्यावसायिक उडानहरू सञ्चालन गर्दै आएको छ ।
प्रतिक्रिया दिनुहोस्