अख्तियार दुरुपयोग अनुसन्धान आयोगले भूमि नापी अधिकृत राजु पुरीविरुद्ध गैरकानुनी रूपमा सम्पत्ति आर्जन गरेको अभियोगमा विशेष अदालतमा मुद्दा दायर गरेको छ ।
हाल नापी कार्यालय चाबहिलमा कार्यरत पुरीमाथि एक करोड ४० लाखको अवैध सम्पत्ति जम्मा गरेको आरोप लागेको छ ।
उनी डिसेम्बर २४, १९९५ मा सार्वजनिक सेवामा प्रवेश गरेका थिए । यसअघि आयोगले निजामती सेवामा प्रवेश गरेदेखि यसै वर्षको असार मसान्तसम्म पुरीको सम्पत्ति विवरण विश्लेषण गरी उनीविरुद्ध अदालत जाने निर्णय गरेको थियो ।
पुरीविरुद्ध विशेष अदालतमा भ्रष्टाचार मुद्दा चलिरहेको अख्तियारका प्रवक्ता भोला दाहालले जानकारी दिए ।
प्रतिक्रिया दिनुहोस्