काठमाडौं महानगरपालिकाका मेयर बलेन शाहले आफ्नो चीन भ्रमण रद्द गरेका छन् ।
चीन सरकारको निमन्त्रणामा बालेन पर्यटन प्रवद्र्धन र सांस्कृतिक आदानप्रदानका लागि बिहीबार दिउँसो बेइजिङ जाने कार्यक्रम थियो ।
चीन सरकारले हालै सार्वजनिक गरेको नक्सा नेपालको नयाँ राजनीतिक नक्सासँग नमिल्ने गम्भिर चिन्ता व्यक्त गर्दै बालेनले आफ्नो चीन भ्रमण रद्द गरेका हुन् । बरु, यसले नेपाली भूभागलाई भारतको हिस्साको रूपमा चित्रण गरेको छ ।
नेपालसँग परामर्श नगरी चीनले नेपाली भूभागलाई भारतको भूभागमा समावेश गर्ने निर्णयप्रति बलेनले सामाजिक सञ्जालमा चिन्ता व्यक्त गरेका छन् । त्यसैले नैतिकताका आधारमा आफ्नो पाँच दिने चीन भ्रमण रद्द गर्ने निर्णय गरेको उनको भनाइ छ ।
२० मे २०२० मा नेपालले लिपुलेक, लिम्पियाधुरा र कालापानी समेटिएको नेपालको नयाँ राजनीतिक नक्सा सार्वजनिक गरेको थियो ।
प्रतिक्रिया दिनुहोस्