नेपाल नागरिक उड्डयन प्राधिकरणले लुक्ला क्षेत्रमा प्रतिकूल मौसममा उडान नगर्ने नियम उल्लङ्घन गरेको भन्दै दुई कम्पनीका हेलिकप्टर सञ्चालनमा रोक लगाएको छ ।
प्राधिकरणले विशेष गरी श्री एयरलाइन्स र फिस्टेल एयरलाई उडानमा प्रतिबन्ध लगाएको स्रोतले जनाएको छ ।
यी मध्ये एक कम्पनीले भिजुअल फ्लाइट नियम (भिएफआर) उल्लङ्घन गरी १०० मिटरभन्दा कम भिजिबिलिटी हुँदा हेलिकप्टर उडाएपछि यो कारबाही गरिएको हो । फलस्वरूप, प्राधिकरणले अर्को सूचना नभएसम्म दुई कम्पनीका हेलिकप्टर ग्राउन्ड गर्ने निर्णय गरेको छ।
प्राधिकरणले AS350 B3E मोडलका हेलिकप्टरलाई विशेष रूपमा ग्राउन्ड गरेको छ। कम्पनीहरूले उडान गरेका अन्य हेलिकप्टरहरू ग्राउन्ड गरिएका छैनन्।
प्रतिक्रिया दिनुहोस्