लुक्लास्थित तेन्जिङ हिलारी विमानस्थलले हवाईजहाज र हेलिकप्टर दुवै उडानका लागि सुचारु गरेको छ ।
काठमाडौं, फाप्लु, रामेछापलगायतका विभिन्न गन्तव्यबाट नियमित उडान सुचारु भएपछि एकै दिनमा १५८ उडान र अवतरण भएको स्रोतले जानकारी दिएको छ ।
ती उडानहरूमध्ये तेन्जिङ हिलारी विमानस्थलबाट रामेछापका लागि उडान भर्ने ३२ उडान थिए, जसमा समिट एयरको १४ उडान, तारा एयरलाइन्सको १२ उडान र सीता एयरको ६ उडान थिए ।
त्यसैगरी, तारा एयरले फाप्लुमा दुई, सीता एयरले काठमाडौं तीन र समिट एयरले एक उडान गरेको छ ।
यसबाहेक, आइतबार ३९ हेलिकप्टर उडान रेकर्ड गरिएको छ, जसले पर्यटकको चाप क्रमशः बढेको सङ्केत गर्दछ । विमानस्थल प्रमुख पन्थीले लुक्लाको मौसममा सुधार आएकोमा आशावादी रहेको बताउँदै विशेष पर्यटकीय सिजन सुरु भएकोले उडान गतिविधि बढेको बताए ।
प्रतिक्रिया दिनुहोस्