वाग्मती प्रदेश सरकारले आफ्नो क्षेत्राधिकारभित्रका १० अस्पताललाई स्तरोन्नति गर्ने निर्णय गरेको छ । मंगलबार बसेको प्रदेश मन्त्रिपरिषद् बैठकले यस्तो निर्णय गरेको हो ।
निर्णयअनुसार हेटौंडा अस्पताल र भक्तपुर अस्पताललाई तीन सय शय्याको क्षमतामा स्तरोन्नति गर्ने लक्ष्य राखिएको छ, जुन यसअघिको १०० शैयाको क्षमताको तुलनामा उल्लेख्य वृद्धि हो ।
त्यसैगरी धादिङ अस्पताल, नुवाकोटको त्रिशूली अस्पताल, सिन्धुली अस्पताल र चितवनको बखुलाहार रत्ननगर अस्पताललाई १०० शैयाको स्तरोन्नति गरिने छ ।
त्यसैगरी सिन्धुपाल्चोक अस्पताल, रामेछाप अस्पताल, दोलखाको पशुपति चौलागाईँ मेमोरियल अस्पताल र काभ्रेको मेथेनकोट अस्पताललाई ५०/५० शय्यामा स्तरोन्नति गरिने भएको छ ।
सरकारको यो कदम वाग्मती प्रदेशका बासिन्दाहरूलाई अझ राम्रो चिकित्सा सेवा सुनिश्चित गर्दै यी अस्पतालहरूको स्वास्थ्य सेवा पूर्वाधार र क्षमता अभिवृद्धि गर्ने उद्देश्य हो।
प्रतिक्रिया दिनुहोस्