उपमहासचिव जनार्दन शर्माले पार्टीको नाम र चुनाव चिह्न परिवर्तन गर्नुपर्ने प्रस्ताव राखेका छन्। उनले पार्टीको संगठनात्मक संरचना र विधि पद्धतिमा सुधारको आवश्यकता औंल्याए, विशेष गरी पार्टी भित्रको शक्ति असंतुलन र तिक्तता प्रति चिन्ता व्यक्त गरे । शर्माले अन्तरसंघर्ष, परिवारवाद, र कम्युनिस्ट मूल्यमान्यता कमजोर भएको कुरा उठाए।
उनले पार्टी फुटाउने आरोपहरूलाई खारेज गर्दै, पार्टीको नेतृत्वले आठौं महाधिवेशनको महत्वलाई कम गरेको र गठबन्धनका प्रभावहरूको मूल्यांकन गर्नुपर्ने सुझाव दिएका छन् । शर्माले संघ र प्रदेशका सरकारबाट बाहिरिनुको कारण र जिम्मेवारीका बारेमा प्रश्न उठाउँदै, संसदमा प्रभावकारी प्रतिपक्षको भूमिका निर्वाह गर्दै आगामी चुनावसम्म सरकारमा नजाने घोषणा गर्नुपर्ने सुझाव दिएका छन्।
प्रतिक्रिया दिनुहोस्