ब्याडमिन्टन खेलाडी प्रिन्स दाहाल र राष्ट्रिय महिला फुटबल टोलीकी कप्तान अन्जिला तुम्बापो सुब्बा सोमबार काठमाडौंमा आयोजित १७औँ एनएनआईपीए स्पोर्ट्स अवार्डमा पुरुष तथा महिला विधामा एनएनआईपी वर्षको उत्कृष्ट खेलाडीको अवार्डबाट पुरस्कृत भएका छन् ।
नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए)ले आयोजना गरेको अवार्ड समारोहमा उनीहरु दुवैलाई जनही एक–एक लाख नगदसहित पुरस्कृत गरिएको हो ।
करातेका चञ्चला दुनुवार र गल्फर सद्भाव आचार्यले क्रमशः महिला र पुरुषतर्फ उदीयमान खेलाडीको अवार्ड पाए । दुवैले जनही ५० हजार रुपैयाँ पाएका छन् ।
नेपाली क्यालेन्डर वर्ष २०७८ सालमा उत्कृष्ट प्रदर्शन गरेबापत खेलाडीहरुलाई पुरस्कृत गरिएको हो ।
प्रतिक्रिया दिनुहोस्