प्रतिकूल मौसमका कारण आज त्रिभुवन अन्तर्राष्ट्रिय विमानस्थलको उडान अवरुद्ध भएको छ । विमानस्थल कार्यालयका अनुसार भिजिबिलिटी कम भएकाले आन्तरिक तथा अन्तर्राष्ट्रिय उडान प्रभावित भएको छ ।
टिआइएका प्रवक्ता टेकनाथ निरौलाले भने, ‘भिजिबिलिटीको समस्याका कारण टिआएले अहिले इन्स्ट्रुमेन्ट फ्लाइट रुल्स (आईएफआर) सपोर्टेड उडान सञ्चालन गर्न अनुमति दिएको छ ।
केही उडानहरू ढिलो भएका छन् र केही अन्तर्राष्ट्रिय उडानहरू – श्रीलंका एयरलाइन्स र थाई स्माइल एयरवेज – केही समयको लागि होल्डिङ अवलोकन गरिएको छ ।
लुक्ला, सिमिकोटलगायत हिमाली गन्तव्यमा सेवा अवरुद्ध भएको छ । ग्रामीण जिल्लाका अन्य गन्तव्यमा हुने उडानमा भने केही असर परेको छ ।
पश्चिमी वायु र स्थानीय वायुको प्रभावले अहिले काठमाडौंसहित देशका विभिन्न स्थानमा वर्षा भइरहेको जल तथा मौसम पूर्वानुमान महाशाखाले जनाएको छ ।
प्रतिक्रिया दिनुहोस्