मनिष डाँगी थाइल्याण्डको रेयोङ एफसीमा अनुबन्धित भएका छन् । क्लब हाल थाई लिगको दोस्रो डिभिजनमा छ ।
थाइल्याण्डमा टोलीमा अनुबन्ध गर्ने उनी पहिलो नेपाली हुन् ।
डाँगी हालै सम्पन्न ए डिभिजन लिगमा संकटा फुटबल क्लबबाट खेल्दै आएका थिए ।
डाँगीले २०२१ मा इराकविरुद्ध आफ्नो राष्ट्रिय टोलीमा डेब्यु गरेका थिए जहाँ उनले आफ्नो पहिलो गोल गरेका थिए । त्यसयता उनले नेपालका लागि थप १६ पटक खेल्दै दुई गोल गरेका छन् ।
रेयोङ एफसीका अनुसार नागावर्ल्ड एफसी विरुद्ध २–१ को जितमा उनले यसअघि नै डेब्यु गरिसकेका छन् जहाँ उनले सहयोग गरेका थिए ।
प्रतिक्रिया दिनुहोस्