सामाजिक सञ्जाल (फेसबुक) मार्फत दलित समुदायको अपमान गरेको भन्दै मेयर हर्कराज राई (साम्पाङ)लाई राष्ट्रिय दलित आयोगले कानुनी कारबाही गर्न सिफारिस गरेको छ ।
स्रोतका अनुसार आयोगका अध्यक्ष देवराज विश्वकर्माले गृह मन्त्रालयलाई लेखेको पत्रमा आफूले संविधान र कानुनभन्दा माथि रहेको भन्दै सार्वजनिक रूपमा आफ्नो धारणा राखेकाले कानुनी कारबाही गर्न सिफारिस गरिएको बताए ।
मेयर साम्पाङले गत मंगलबार फेसबुक पेजमा ‘शक्ति होइन, आफ्नो ‘चमरे’ बुद्धि प्रयोग गर’ भन्दै अपमानजनक टिप्पणी गरेका थिए । यो पोस्ट सार्वजनिक भएपछि तराईका दलित समुदायको अपमान गरेको भन्दै उनको चौतर्फी आलोचना भएको थियो ।
त्यसलगत्तै राष्ट्रिय दलित आयोगले पनि विज्ञप्ति जारी गरी मेयर साम्पाङलाई आफ्नो भनाइ सच्याउन र आत्मआलोचना गर्न आग्रह गरेको छ ।
प्रतिक्रिया दिनुहोस्