नेपाल विद्युत प्राधिकरण चितवनले जिल्लाका मुख्य सहर क्षेत्रमा रहेका युटिलिटी पोलको भाडा तिर्न १४ विभिन्न इन्टरनेट कम्पनीलाई निर्देशन दिएको छ ।
आर्थिक वर्षको पहिलो तीन महिनाभित्रै ठेक्का नवीकरण गर्नुपर्ने भए पनि इन्टरनेट कम्पनीहरूले सम्झौता नवीकरण नगरेको प्राधिकरण वितरण केन्द्र भरतपुरका प्रमुख राजेन्द्र पौडेलले बताए ।
यो अवधिसम्म (चालू आर्थिक वर्षमा) ठेक्का सम्झौता नवीकरण गर्न कुनै पनि कम्पनी नआएको पौडेल बताउछन् ।
प्राधिकरणले महानगरपालिकामा एक किलोमिटरका लागि ९ हजार र नगरपालिका र गाउँपालिका क्षेत्रमा ७ हजार रुपैयाँ शुल्क लिइरहेको पौडेलले बताए ।
अब प्राधिकरण कार्यालयले विद्युतीय खम्बाको प्रयोगका लागि प्राधिकरणसँगको ठेक्का सम्झौता नवीकरण गर्न इन्टरनेट कम्पनीहरूलाई आह्वान गर्ने अभियान सुरु गर्ने उनले बताए ।
इन्टरनेट कम्पनीहरूले ठेक्का सम्झौता नवीकरण गर्न अस्वीकार गरेमा प्राधिकरणले सामान जफत गर्ने तयारी गरेको छ ।
प्रतिक्रिया दिनुहोस्