कोभिड–१९ को महामारी सुरु भएदेखि बन्द रहेको नेपालको रसुवागढी–केरुङ बन्दरगाहबाट चीनले दुईतर्फी व्यापार पुनः सञ्चालनमा ल्याएको छ । रसुवागढी नेपाल र चीनबीचको सबैभन्दा पुरानो व्यापारिक नाका हो ।
नेपालबाट निकासी हुने सामान मुख्यतया तिब्बती सहर ल्हासा, सिगात्से र आमदोमा बिक्री हुने गरेको छ । रसुवागढी भन्सार कार्यालय स्रोतका अनुसार दुईतर्फी व्यापार खुलेपछि गत साता सोमबारसम्म नेपाली उत्पादन बोकेका झण्डै एक दर्जन कन्टेनर सीमा नाका नाघेका छन् ।
चीनसँगको नेपालको अन्तर्राष्ट्रिय व्यापारिक नाका रसुवागढीबाट बाँसका बण्डल, बाँसका फर्निचर, तामाका हस्तकलाका सामग्रीलगायत हस्तकलाका सामग्रीको निर्यात हुने गरेको छ ।
अहिले भन्सार नाकाबाट दैनिक १४ कन्टेनरले सामान नेपाल भित्र्याउँदै आएका छन् । तर अझै पनि चीनले सीमा नाकाबाट मानिसको आवतजावतलाई अनुमति दिएको छैन ।
प्रतिक्रिया दिनुहोस्