राष्ट्रिय चिया तथा कफी विकास बोर्डका अनुसार करिब २७ हजार ५ सय हेक्टर जमिनमा चिया खेती हुने गरेको छ भने कुल चिया बगानको एक तिहाइभन्दा बढी झापाले ओगटेको छ ।
कुल २ करोड ८० लाख किलोग्राम चियामध्ये झापामा १ करोड ८० लाख किलोग्राम चिया उत्पादन हुने गरेको छ, जुन जिल्लागत उत्पादनका हिसाबले सबैभन्दा बढी हो, बोर्डका प्रमुख इन्द्रप्रसाद अधिकारीले भने ।
प्रदेशका जिल्लाहरु नं. देशको कुल चिया उत्पादनको करिब ९९ प्रतिशत उत्पादन हुने गरेको अधिकारीले बताए । नेपालमा ३८ सीटीसी र ३० वटा अर्थोडक्स चिया उत्पादन गर्ने उद्योगसहित ६८ ठूला चिया उद्योग सञ्चालनमा छन् ।
त्यसैगरी १५० भन्दा बढी साना कम्पनीले अर्थोडक्स चिया प्रशोधन गरिरहेका छन् । चिया उत्पादनबाट ७० हजारभन्दा बढीले प्रत्यक्ष रोजगारी पाएको र १५ हजारभन्दा बढी साना किसान चिया खेतीमा संलग्न रहेको बोर्डले जनाएको छ ।
अधिकारीले नेपालको पहाडी क्षेत्रमा उत्पादन हुने नेपाली अर्थोडक्स चियाको ट्रेडमार्क हिमालयबाट गुणस्तरीय नेपाली चिया नेपाल सरकारबाट जारी हुने बताए ।
झापामा उत्पादन हुने सिटिसी चियाको ट्रेडमार्क जारी गर्ने काम अन्तिम चरणमा पुगेको उनले बताए ।
प्रतिक्रिया दिनुहोस्