नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहालसँग आगामी महिना हुने राष्ट्रपतिको निर्वाचनमा एमालेका उम्मेदवारलाई समर्थन गर्नुपर्ने विषयमा दुई घण्टा वार्ता गरेका छन् ।
प्रधानमन्त्री र उहाँका दलका नेताहरुले पार्टीभन्दा माथि उठेर संविधानको मर्मअनुसार काम गर्न सहमतिबाटै अध्यक्ष छान्नुपर्ने बताउँदै आएका छन् ।
नयाँ गठबन्धन बनेको दिन गत पुस २५ गते ओली निवासमा सात दलको गठबन्धनमा भएको सहमतिअनुसार प्रधानमन्त्री र उनको पार्टीले एमालेको राष्ट्रपतिको उम्मेदवारलाई समर्थन गर्नुपर्ने ओली र उनका दलका नेताहरुको भनाइ छ ।
नेकपा माओवादी केन्द्रका नेता देवेन्द्र पौडेलले आजको वार्तामा प्रधानमन्त्री र ओली आफ्नो अडानमा अडिग रहेको बताए । दुवै नेताबीच भोलि पनि वार्ता हुने बताइएको छ ।
प्रतिक्रिया दिनुहोस्