प्रदेश नं १ को प्रदेशसभाले बुधबार साँझ प्रदेशको नाम ‘कोशी प्रदेश’ राखेको छ । यसअघि बुधबारको प्रदेशसभा बैठकमा प्रदेश नं १ को नामाकरणको प्रस्ताव पेस भएको थियो ।
नेपालको संविधानको धारा २९५ (२) बमोजिमको प्रदेशसभा नियमावली, २०७४ (पहिलो संशोधन) को नियम ५८ (ख) बमोजिम प्रदेश नं १ को नाम ‘कोशी’ प्रदेशसभाले प्रस्ताव गरेको हो ।
सत्तारुढ नेकपा एमालेका प्रदेशसभा सदस्य रामबहादुर मगरले प्रदेशको नाम ‘कोशी’ राखेको प्रस्ताव सभामुख बाबुराम गौतमसमक्ष प्रस्तुत गरेका थिए ।
सभामुखले पुनः छलफलका लागि प्रस्ताव प्रस्तुत गरे जसलाई बहुमत सदस्यले स्वीकृत गरेका थिए ।
सो अवसरमा नेकपा (अमेरिका) का प्रदेशसभा सदस्य राजेन्द्रकुमार राईले प्रदेशको नाम ‘किरात–लिम्बुवान–सगरमाथा’ राखिएको प्रस्ताव प्रस्तुत गरे पनि बहुमत सदस्यले अस्वीकार गरेका थिए ।
प्रतिक्रिया दिनुहोस्